《尋人記II》播出最後一集，去年憑「甜蜜互動」感動無數觀眾的「龜兔夫婦」Sabrina和Frankie，相隔一年後Frankie不幸於受訪後數月突然急性心臟病發。
二人於1994年因尋求婚姻輔導接受《星期日檔案》訪問，並以「烏龜白兔」形容彼此關係。Sabrina憶述丈夫時難掩傷痛：「個心依然係期盼希望（佢冇事），直至佢（個心）停咗喇，醫生問可唔可以掹喉，我係唔畀，都堅持咗個幾鐘。」
TVB官方微博：#尋人記II# 第一輯 「 龜兔夫婦 」遺孀 ｜感激尋人記為丈夫留下遺言
嚟到《 尋人記II 》最後一集，方東昇話要相約第一輯嘅一班主角見下面，睇下節目出街後，事隔一年大家過成點？唔知大家仲記唔記得Frankie 同Sabrina 呢對 「 龜兔夫妻 」呢？27年前佢哋因相處問 — TVB官方微博
節目播出上輯《尋人記》未曾曝光片段， Frankie叮囑愛妻若果自己先走一步要好好活下去。「你千祈唔好掛住我，記住！拜拜！下世有緣我哋可以再嚟過，我哋今世過得好開心，係咁多。你要享受你自己嘅餘生，真係唔好掛住我。」非常感動。
Sabrina逐步走出喪夫之痛，她感恩當天留下珍貴回憶：「佢喺醫院時只有一件事我覺得好遺憾，就係佢冇遺言，呢段（錄影）當時畀到我內心好大安慰。」
—
