張繼聰與謝安琪的囡囡張靖（Kakaball）是盧瀚霆（Anson Lo）的小粉絲，早前更在幼稚園畢業典禮上表演，大跳偶像的《Megahit》。日前張繼聰一家四口去睇MIRROR演唱會頭場，Kakaball興奮向Anson Lo瘋狂揮手，而大仔張瞻則跟Anson Kong（江𤒹生）擊拳，盡興而歸。
張繼聰完騷後大讚好睇，見到MIRROR好努力，又指第一次做大型紅館騷很不容易，表演上有進步。不少粉絲都覺得舞台機關設計有潛在危險，Anson Kong也差點跌倒，張繼聰亦留意到，認為表演者的安全才是最重要：「好彩AK身手敏捷，個騷剛剛做第一場，仲有好多事情需要調節，相信導演會好小心保護表演者，令個騷順利演出，冇人想台面有任何危險出現，希望所有表演者本身都要小心。」
