白色強人II|唐詩詠遇險胎兒不保 顫抖式喊戲感激陳豪神助攻

白色強人II|唐詩詠遇險胎兒不保 顫抖式喊戲感激陳豪神助攻《白色強人II》昨晚懷孕四個月的蘇怡(唐詩詠飾)原本預設了錄音準備踏正聖誕節讓唐明(馬國明飾)得悉自己榮升爸爸,就在二人準備甜蜜迎聖誕時卻發生大型意外,蘇怡與Vincent(陳豪飾)即時出勤救人。救人期間,蘇怡被踢跌並意外遭鐵枝插中背部,Vincent發現後馬上送蘇怡入院;另一邊廂,未知蘇怡發生意外的唐明聽了錄音,就在最開心一刻得悉蘇怡發生意外……為了保住胎兒,蘇怡堅拒麻醉並約見唐明,唐明為讓蘇怡安心忍痛講大話:「BB爸爸係唐明,你兩個一定冇事……」唐明與蘇怡本身準備做爸爸媽媽。 昨晚詩詠、陳豪及馬國明鬥飊演技,獲網民大讚演技超班,詩詠與馬明更被指有進步,網民留言:「馬國明喊到我想喊」、「陳豪演得好好(嗰種保護身邊人嘅感覺太型)」、「唐詩詠在蘭桂坊做得好好」、「唐詩詠中招呢吓做得幾好」;該幕加上鏡頭剪接及配樂,整集結尾相當催淚。論到最深刻一幕,應是蘇怡被鐵枝插中,詩詠在短短十數秒鏡頭下,憑藉一個眼眶滿是淚水的茫然狀態,及不斷抖動的身體,充份表現了虛弱、強裝鎮定、恐懼及將一切交給拍檔Vincent等四個不同狀態,而陳豪駭然發現蘇怡受重傷一刻的表情亦拿捏得相當好。懷孕四個月的蘇怡(唐詩詠飾)發生意外。談到相關場口,詩詠笑言最難忘是要在「插著鐵枝」的狀態,聽陳豪與工作人員反覆商量「營救蘇怡方案」:「阿MO係咁研究我啲血應該流去邊,又提議話不如唔好鋸斷條鐵枝,但又有人話咁太長上唔到車。」詩詠又大讚阿MO是好對手:「我同佢第一日開工已經唔使Warm up,有時我突然加咗啲嘢,佢都會接到。」陳豪整幕戲嘅反應都做得相當好,唐詩詠話呢幕大家抬住佢奔跑嘅戲,其實拍得好辛苦吓。另蘇怡躺在手術床上與唐明對話一幕亦相當感人,雖然唐明全程一面溫柔及憐惜,但仍能清楚感受到他有多心痛;已是第N次與馬明合作的詩詠,亦笑言與對方默契十足:「人生遇到咁嘅對手真係好難得,佢應該係我人生中No.1 有默契,同佢做戲冇顧忌、亦非常放心。」詩詠又笑指躺在手術床上拍戲並不好受,笑言可一不可再:「張手術床好難瞓,我個頭要喺上面,但個身就要斜落去讓個位畀個假人,嗰個角度真係好唔容易,我唔記得自己瞓咗幾耐,但就一直好想去廁所,但又要忍住,因為一起身個過程好複雜,又要搵人扶我又要搬開啲嘢,但捽之我都係忍唔住要去。」唐明剛得悉做爸爸喜訊後,馬上接獲蘇怡出事消息,呢幕手術室戲,充滿展示出馬明與詩詠的默契。另由於《白色II》早前在內地網站率先播放,不少網民已得知「蘇唐CP」最終要分開,並因而怪責蘇怡人設自私。對此監製Marco為蘇怡解畫謂:「其實佢冇怪到唐明救佢唔救個BB,只係佢一見到唐明就會諗番起冇咗嘅BB、會記番起所有嘅傷痛,所以佢先選擇分開,或者畀啲時間大家冷靜吓。」唐詩詠指馬國明是其人生中最有默契的拍檔,二人亦有緣合作過很多次。白色强人2kennethma马国明唐诗咏



Leave a Reply

Your email address will not be published.