3大視帝鬥戲︱同馬國明陳豪疊聲嗌交 郭晉安霸氣一句KO今年視帝競爭激烈，單是《白色強人II》已經有郭晉安、馬國明以及陳豪三位視帝較勁，其中一場3人疊聲嗌交戲成了焦點，他們各有各講，全程肉緊兼激動，相當有張力，最後由郭晉安壓場爆Seed一句：「我係委員會召集人呀，我要踢邊個走咪邊個走囉！」為罵戰畫上句號，眾人演技獲不少網民激讚！談到該場嗌交戲，導演Patrick受訪時，亦對三大視帝讚不絕口：「安仔（郭晉安）、馬國明都好好，事前畀咗好多意見我、睇吓點樣昇華呢場戲。其實浪費最多時間係喺排戲上，佢哋三個都排咗有成一個鐘。因為大家一人一句，又完全唔需要理會其他人講咩、只理會自己，所以要夾到一個大家都舒服嘅位，同埋點樣再有氣氛啲。好多謝佢哋咁用心。」呢場嗌交戲劇力萬鈞！安仔啲戲出晒！馬國明今年再衝視帝？陳豪都係有力競爭者。郭晉安好戲！白色强人2郭晋安陈豪kennethma马国明
3大視帝鬥戲︱同馬國明陳豪疊聲嗌交 郭晉安霸氣一句KO
