胡定欣獲粉絲專程撐場　搵定「情人」過生日！

胡定欣獲粉絲專程撐場　搵定「情人」過生日！9月9日生日的胡定欣今日（26日）為無綫劇集《白色強人II》宣傳，粉絲們穿上印有定欣在劇中名字的醫生袍，並送上花與蛋糕為她慶祝，非常有心，而活動後定欣即場捐血。她透露今次是第一次捐血：「感覺好榮幸，今次係劇集最後一次宣傳，喺眾目睽睽下捐血，劇中身為院長嘅我要身體力行出一分力。我向來都有做身體檢查，有抽過血，我唔驚血，但捐血支針真係粗啲，拮針嘅時候我都唔敢望，拮嗰吓係有啲痛。不過捐血嘅時候有人同我傾偈分散吓，所以啲血都好流暢，我身體狀況OK，之後會定期去捐，盡少少綿力，捐血係一份心意。」講到生日，定欣表示以往都會跟粉絲搞派對慶生，但因疫情而停辦，故粉絲趁今日活動而專登到場，問到生日願望？她說：「希望劇集結局嘅收視創高峰，能夠拍呢套劇係一份好好嘅禮物，過程獲益良多。（生日有冇機會二人世界？）我都想有，呢2個星期我努力吓，其實我啲好朋友就係我嘅情人，佢哋冇時間都要陪我，（胡）杏兒最近都返咗香港，想趁齊人少少聚吓。（開始連串慶祝活動？）薇薇（林夏薇）趁打風唔使開工預早同我慶祝咗。」胡定欣想搵「情人」過生日。胡定欣獲粉絲專程撐場！白色强人2胡定欣