草蜢預告紅館騷唔玩吊高 叫Fans買山頂位先有嘢睇樂壇組合草蜢今日（28日）到沙田出席活動，與馮允謙、雲浩影和「折骨Ben」趙祥誠齊齊以音樂娛賓，吸引數百粉絲迫爆商場數層，場面熱氛！即將於10月舉行演唱會的草蜢，宣布10月26至29日再踏紅館，這是他們相隔5年在港再開騷。談到舞台設計，蔡一傑不諱言：「發生意外（MIRROR事故）後，我哋已經作出改動，之前嘅設計大部分都唔要。畀個貼士大家，唔可以吊高啫，我哋可以放好多嘢喺舞台上，所以今次買飛不妨買高啲，會有好多嘢睇，疫情下反而冇咗握手位。」蔡一智則表示今次演唱會以「重整」為主題：「其實演唱會去年已經準備，好多歌曲都重新編排。疫情令全世界暫停，包括我哋本來安排咗嘅巡迴演出，依家休息完大家係時候重新出發，希望我哋可以帶畀大家開心嘅一晚，用我哋嘅歌曲治愈大家。」相隨5年再開騷！因為MIRROR意外，佢哋都為舞台設計作出改動。蔡一智同折骨Ben比舞！草蜢
草蜢預告紅館騷唔玩吊高 叫Fans買山頂位先有嘢睇
