黃宗澤餐廳粉絲食生日飯反送禮物 網友以為要宣布女友藝人黃宗澤（Bosco）喺尖沙咀開設嘅「蠔吧」，生意雖然受疫情影響，但佢都曾經為咗一班員工而堅持繼續開門做生意，而且承諾唔炒人、唔減薪兼有花紅，絕對係良心老闆，而唔使開工拍嘢嘅日子，佢都會返餐廳助陣。Bosco早前喺社交網Po相留言：「呢位小Fans，生日嚟我餐廳食生日飯，仲掉轉頭送禮物俾我，真係太客氣啦！不過想問下點解會係公仔呢？」黃宗澤喺尖沙咀開設嘅「蠔吧」。粉絲食生日飯反送禮物。可以同偶像戴住同款手鏈。特寫佢戴住Fans送嘅公仔手鏈。除咗同Fans嘅合照，仲Po咗張特寫佢戴住Fans送嘅公仔手鏈，望落都幾可愛吖！粉絲就紛紛留言羨慕小Fans可以同偶像戴住同款手鏈，又有網民爭住認自己就係嗰位小Fans，不過最搞笑係有網民留言：「我仲以為你要官宣女朋友!!」以為Bosco有新戀情公開放閃。黄宗泽
黃宗澤餐廳粉絲食生日飯反送禮物 網友以為要宣布女友
