小豬比爆喊唔肯錫Daddy　陳展鵬冇晒符

小豬比爆喊唔肯錫Daddy　陳展鵬冇晒符藝人陳展鵬、吳若希、洪永城等早前去到內地拍攝劇集《香港人在北京》，其中陳展鵬就帶埋老婆單文柔同囡囡小豬比一齊北上，唔想錯過阿女成長時刻，仲成日拍片放上網，同大家開心Share溫馨時刻。唔知係咪Daddy太忙，冇咩時間陪小豬比，日前陳展鵬晒出被愛女無視嘅新片，條片開始時單文柔跑走唔理小豬比，點知小豬比即喊大嗌要媽媽，呢個時候陳展鵬就走出嚟話說：「唔緊要，爸爸救你，爸爸係你英雄！」點知小豬都係要媽咪，搞到陳展鵬勁無奈。陳展鵬（左一）去到內地拍攝劇集《香港人在北京》。仲有吳若希（右）。老婆單文柔同囡囡小豬比一齊北上。點知…鏡頭再轉到，單文柔同陳展鵬耍花槍打嚟打去，陳展鵬假裝受傷，要小豬比錫錫，小豬比再次拒絕，又呃又氹下小豬比終於肯錫Daddy，不過當陳展鵬再要求再錫多次，小豬比又扭計Say no，場面搞笑。阿女淨係要媽咪…嗚呀～～～唔知好嬲定好笑。不過都係Sweet嘅。陈展鹏单文柔