披荊斬棘︱吳卓羲臉貼林峯心口扮喊 甩粉毀白T恤笑爆網民內地真人騷《披荊斬棘》現正熱播，其中林峯同吳卓羲兄弟班亮相話題不斷，新一集佢哋孖住現身「打卡練歌房」，孖住任賢齊練歌兼大玩遊戲，笑料百出。一開始吳卓羲終於滿足粉絲心願，相隔多年再唱經典歌曲《別怪她》完成任務，之後同林峯鬥戲演情景題，依題目《昔日手足再相逢》做戲，吳卓羲故意浮誇演繹，攬住林峯扮喊，仲貼實對方心口，點知就令半邊臉嘅粉底留晒喺林峯嘅白色T-shirt上，令一眾網友爆笑，吳卓羲亦幽默自嘲：「是真的掉粉不是假的掉粉。」網民則笑指：「快告訴我粉底液是甚麼牌子，我絕對不會買」。林峯同吳卓羲大玩遊戲。演繹久別重逢嘅橋段。攬到緊肉緊。貼實心口。勁浮誇。最搞笑係甩晒粉。網民都問佢用牌子粉底，笑言絕對唔會買。林峯吴卓羲
披荊斬棘︱吳卓羲臉貼林峯心口扮喊 甩粉毀白T恤笑爆網民
