下流上車族︱林敏驄1秒入戲喊到口震 江美儀感動送吻無綫台慶劇《下流上車族》播出以來大受觀眾喜愛，日前一集林敏驄與江美儀的車廂飆淚戲成熱話，前者喊到口都震埋，於短短1分半鐘的場口，成功引爆網友淚水，紛紛留言大讚：「黐線，一秒入戲」、「平時硬硬淨淨，一秒變番細路」、「上一場扮嘢嗌阿媽，下一場喊到口震，完全兩種戲，真係好勁。」阿驄受訪時透露當日一Take過完成拍攝：「事前講好晒要點拍，試嗰時係冇喊出嚟嘅，到真係Roll機就喊咗出嚟，拍完呢場戲見到啲化妝、服裝同事企晒出嚟，佢哋話感動到喊。初初拍完呢場以為已經好勁啦，但相比後面嗰啲戲只係小兒科！」美儀亦指幕後同事睇到喊，更指因為這場戲得悉對方乃性情中人：「嗰場戲係開工第二日就拍，亦都係佢第一場喊戲，同埋呢場係佢自己話要喊嘅，我都畀佢感動到！」提到該場戲錫了阿驄一啖，美儀對此笑說：「劇本冇寫嘅，都係隨住個心同埋感覺做出嚟。」《下流上車族》好評如潮。林敏驄與江美儀車尾廂飆淚戲成熱話。林敏驄喊到口震震。江美儀亦交足戲。其他場口一樣精彩。集搞笑同感動於一身。林敏驄江美仪
下流上車族︱林敏驄1秒入戲喊到口震 江美儀感動送吻
