【娛樂頭條】69歲梅小青自揭曾患膀胱癌 曾兩遇大病堅持拍劇唔放假呃埋高層!現時69歲的金牌監製@梅小青LV 於2020年《法證先峰IV》之後宣布退休，雖然成為劇集創下最高40點的收視，是近年成績最好的TVB劇集。但原來成功的背後，梅小青是背負著兩個重症而冒生命危險換取而來，日前她接受《健康旦》鄭丹瑞訪問，就透露自己原來曾經患上初期膀胱癌，以及腦血管阻塞！【點擊睇小青姐點講】：梅小青表示，當年由TVB轉投NOW TV時，身體已曾出現毛病。她表示，曾經有一次身體檢查。照片時發現膀胱有一個腫瘤。醫生同佢講，嗰個位置有腫瘤的話。95%都是癌症。結果經深入檢查後，發現真係有癌症。不過好在在只係初期，而且已經切除。但當時她唔夠膽話畀公司知。因為公司一定會要求她休息。但她唔想，所以繼經隱瞞。仲上埋橫店拍《衛子夫》！雖然膀胱癌就告一段落！但點知梅小青之後再返無線拍《宮心計2深宮計》，又發現有毛病！今次仲嚴重過上一次！梅小青話自己有一日聽到「嗡嗡聲」！之後去做檢查，先發現原來係腦向管塞栓！當年小青姐為TVB到橫店拍攝《宮心計2深宮計》。樣樣事都親力親為。曾以同自己講係「自己最後一套」。點知之後一套接一套！一返香港就出事喇。連鄭丹瑞都忍唔住笑。小青姐話當時佢仲剪緊《宮心計2深宮計》，仲有幾集。收到醫生急Call都仲堅持剪埋套劇先去醫！結果拖咗幾日先識驚。最後醫生同佢做腦部向管通波仔手術。好在就唔使開腦，最後冇事。但冇事完之後，小青姐又繼續做埋《法證先鋒IV》，之後終於都捨得退落嚟！梅小青從事劇集監製逾40年，經典作品數之不盡，例如包括有《原振俠》、《洛神》、《法證先鋒系列》、《宮心計系列》等等，經歷兩次大病，小青組終於在《法證先鋒IV》後退下來，她在訪問中說道：「健康好重要，上天畀兩次機會我，我更加要好好珍惜我生命，去幫忙要幫嘅人。」她表示自己希望花多點時間與兩個孫仔相處，享兒孫福！梅小青
【娛樂頭條】69歲梅小青自揭曾患膀胱癌 曾兩遇大病堅持拍劇唔放假呃埋高層!
