胡鴻鈞冇留意蔡思貝提名視后:我睇番男仔嗰邊

胡鴻鈞冇留意蔡思貝提名視后:我睇番男仔嗰邊藝人胡鴻鈞(Hubert)與鍾柔美(Yumi)今日為音樂會進行綵排,Hubert稱2人曾在一個電台音樂會上合唱過,但只是一小段歌曲,今次他們會在音樂會上合唱幾首歌,又笑言太久未有接觸過年輕人。Hubert表示剛由內地返港,之前在內地半年作巡唱,稍後會再返回大陸繼續巡唱,直至農曆新年才回港,問到是否因香港工作被聲夢歌手搶去,故惟有轉向內地發展?他說:「我去探路,做開荒牛,睇吓乜嘢環境,邊度地方都好,歌迷最最要,香港同內地迷絲都好熱情。(儲多咗內地歌迷?)希望有啦!可能都多咗一萬幾千。(會唔會少咗香港歌迷?)要開完今次個音樂會先知,睇吓有冇忘記我。」Yumi表示沒有想過回內地發展這個問題,但若有機會也想嘗試。惺惺相惜。情深對唱。另外,問到Hubert有否向公司打探今年是否有勁歌頒獎禮?他坦言:「我冇問,如果公司有自然會公布,我做好歌手本分,唱好啲歌。」Yumi預計會爭今年新人獎,問到Hubert有何意見給對方?他自嘲:「我過時,我係10年前新人,唔啱佢哋,依家嘅新人好有自己想法同性格,比起10年前嘅我優秀好多,佢哋好有準備,舞台表現、唱功各方面都好好,我當年參加完比賽仲係好懵,佢哋唔需要我不合時宜嘅意見。」但他揚言會投Yumi一票,又指有看對方的MV,問到Yumi會否在學校積極拉票?她謂:「唔會,因為我喺學校嘅身份係學生,好低調,除非係好熟嘅同學,否則唔會叫人投票畀我。」落力綵練。深情獻唱。此外,提到萬千星輝頒獎典禮,Hubert自稱也有份入圍,但就完全沒有信心,志在參與,問到有否留意到緋聞女友蔡思貝有份提名視后?他斷言說:「冇,我只係睇番男仔嗰邊。(之前你唔喺香港,思貝幫你撻車。)都太耐(嘅事),專注番今日個音樂會。(會唔會請佢睇騷?)睇吓佢問唔問我,啲飛好矜貴,要問主辦單位仲有冇飛。(你哋感情變到咁淡?)同個個都咁淡,太耐冇返香港,我同屋企人都要建立番個關係,好疏離。(咁凍過水?)真係凍過水。」蔡思貝提名視后。胡鸿钧蔡思贝



Leave a Reply

Your email address will not be published. Required fields are marked *