【肚仔凸凸】陳凱琳宣布佗第3胎:生命充滿驚喜

【肚仔凸凸】陳凱琳宣布佗第3胎:生命充滿驚喜藝人陳凱琳(Grace)已為老公鄭嘉穎誕下兩位公子,估唔到二人咁勤力,今日(28日)齊齊宣布家庭再添新成員,更拍片大晒明顯凸出嘅孕肚,令人驚喜!陳凱琳感性發文,指BB係最珍貴嘅禮物,仲話生命係預計唔到,似係暗示今次大肚係「意外」:「生命可能預計唔到,但呢份就一定係最美嘅祝福🙏🏻好興奮可以同大家分享我哋屋企要再擴大,家中再添新成員🥰❤️我先提前多謝大家嘅祝賀,我哋都等唔切想見到BB🤰🏻」片中佢同鄭嘉穎煙韌攬攬,當中身穿貼身連身裙嘅Grace,孕肚非常明顯,佢同老公錫嘴仔之餘,鄭嘉穎仲出手摸摸個巨肚,冧爆又溫馨,真係恨死隔籬。陳凱琳同鄭嘉穎已育有兩子。上次見人咁嘅樣。點睇都唔似有咗。對於第3度做爸爸,鄭嘉穎回覆東網指感恩上天安排:「多謝好多朋友祝福,全部收到,總之感恩上天安排,心滿意足!」而陳凱琳好姊妹龔嘉欣亦即時回應東網,佢除咗大嗌好開心之外,被問會否叫Grace減少工作,專心養胎?嘉欣話:「仔女都開心呀,佢已經有兩個小朋友,有晒經驗,佢自己都會安排得好好😀😀😀」但原來個肚已經凸晒出嚟。又咀嘴。恭喜晒。網友即刻湧入社交網恭喜佢哋。郑嘉颖陈凯琳





Leave a Reply

Your email address will not be published.