黃嘉樂夫妻檔搵銀 望明年生兔B帶旺自己藝人黃嘉樂與攝影師太太Samantha於今年8月拉埋天窗，2人今日（28日）恩愛現身活動，問到有否好消息宣布？嘉樂表示：「養小朋友要用好多錢，我要努力工作，生BB睇太太意見。」Samantha指最近工作繁忙，要待農曆新年後才有時間，叫老公約她，她會全力配合：「佢又迷信呢！」嘉樂指明年兔年，兔BB跟自己的生肖正好相配。另外，嘉樂透露有意稍後跟太太到土耳其補度蜜月兼補影婚紗相：「如果唔係疫情，我哋結婚前已經去咗土耳其影婚照，所以點都想去當地影一次相。」Samantha稱為影婚照要保持身形很辛苦，笑言若期間有孕令身材走樣，惟有留到結婚5周年才補拍，提到好友馬國明明年結婚，Samantha揚言可以不收錢為他們影婚紗相，嘉樂笑謂：「我可以Sell佢哋去土耳其影相，請埋我同太太去，我哋就去補度蜜月。」黃嘉樂同老婆夫妻檔出活動。黃嘉樂想生兔B，太太會全力配合。因為希望有足夠時間生B兼收身。又話希望結婚5周年先到土耳其補拍婚照。黄嘉乐
黃嘉樂夫妻檔搵銀 望明年生兔B帶旺自己
