姚焯菲農曆年後去新西蘭留學　澄清唔係暫別樂壇

姚焯菲農曆年後去新西蘭留學　澄清唔係暫別樂壇藝人姚焯菲（Chantel）今日（8日）現身商場活動，除了即席獻唱及與粉絲互動玩遊戲，及後更落台向粉絲們派花。談到近日不乏商演工作，問到是否過肥年？她說：「我唔知自己搵幾多，淨係知道做咗好多商場活動，係開心同滿足嘅一年。（會唔會封大利是畀父母？）唔知，因為啲錢唔係自己Keep，我畀佢哋最好嘅禮物就係讀好啲書，如果我能夠兼顧事業同學業，讀到好成績會令佢哋好開心。」早前預告會到新西蘭留學，她表示為配合當地開學時間表，故將於農曆年後便啟程出發：「我去到都係讀中學，先打好個底，爸爸媽咪會陪我過去開學，同埋我會住宿舍。」更澄清自己並非暫別樂壇，很快便會回港：「學校有Term Break就返嚟，所以會返嚟見大家。（嚟緊嘅工作有影響？）公司會安排得好好，我真係會返嚟！（依家準備好晒出國嘅嘢？）OK，飛之前會同屋企人、粉絲、朋友食餐飯。」姚焯菲農曆年後去新西蘭留學。姚焯菲農澄清唔係暫別樂壇。同粉絲大合照。