【新劇拜神】朱敏瀚隨時Ready騷肌 同王敏奕拍親熱戲緊張藝人朱敏瀚（朱仔）與王敏奕（Venus）今日（9日）出席無綫新劇《虛擬情人》的拜神儀式，今次是朱仔首次擔正男一的劇集，他稱以平常心看待：「冇畀位置影響心情，反而係個角色好有挑戰性，呢套係AI（人工智能）劇，我唔係演正常人，係飾演AI，發揮空間好大，點做都得，但同時每個人對AI都有唔同想法，可能未必做到觀眾心目中咁。」至於Venus飾演AI的創造者，她說：「劇中講我好想有個完美情人，所以就創造咗呢個AI去安撫自己同大家嘅心靈。（有冇將老公曾國祥嘅優點放入AI？）冇，唔好講呢啲。」朱仔透露已拍完外景戲份，之前有參考其他AI題材的影視作品，也擔心被指模仿，但現時覺得開創了新的AI戲路，拍出自己風格。問到兩人有否親熱戲時，Venus笑言：「算有，但可能佢覺得好小事，佢有啲緊張，但我OK，套劇好純情。」雖然朱仔在劇中飾演AI，但仍逃不過脫衣騷肌的慣例，他說：「記得最後一日拍外景突然要我除衫，劇情講我去咗健身室。」Venus讚他隨時準備好騷肌。胡蓓蔚續約無綫 與袁文傑演夫妻嗌辛苦藝人胡蓓蔚（豹嫂）與林景程現身無綫新劇《虛擬情人》的拜神儀式，豹嫂表示已續約無綫，不過之前到了上海2個月探親，一直未有時間正式簽約，問到公司開出甚麼條件打動她？她說：「冇乜，都係同之前差唔多，我好抵用。希望唔止拍劇，仲可以做吓綜藝。」她稱在劇中跟袁文傑飾演夫妻，她指跟對方合作好辛苦：「因為佢太高，我要着好高嘅高跟鞋襯番佢，我最期待就係坐喺度嘅戲，不過佢好有紳士風度。我同佢第一場戲就已經有少少激烈，兩夫妻有場大龍鳳。」對於好友陳山聰獲視帝，她指已跟對方講明要請食飯：「我同佢講唔可以係普普通通嘅一餐飯，要食廚師發辦，咁緊係佢請啦！」景程失落男飛躍，他自言未有失望：「我做咗13年，有人留意到我已經好開心，提唔提名事少，觀眾鍾意最重要。」問到《下流上車族》演員會否食飯慶祝？他稱大家已討論過預計在新年期間相約食飯，問到林敏驄失落視帝會否感失望？他說：「正如佢驄哥之前講，個人獎唔係最重要，《下流》係應該攞最佳劇集，依家攞到係好大鼓舞。」
【新劇拜神】
