神隱陳鍵鋒終於蒲頭 被黃偉文大爆秘密前無綫小生陳鍵鋒因有腦血管遺傳病，被迫中斷演藝工作，自前年拍完網絡電影《封神榜大破萬仙陣》後，就未有任何幕前幕出，甚少露面嘅佢，佢今日（9日）終於蒲頭，原來佢同音樂人黃偉文係神秘老友，依家喺英國嘅黃偉文於社交網晒出同陳鍵鋒嘅合照，留言：「可能你未必知道我同阿苗其實係熟嘅（睇款式我哋好似大纜都扯唔埋咁呀呵？）早於好多年前（我估佢寜願我唔好講實數）喺電台已經認識。將Samuel變成『阿苗』都係我做嘅。」黃偉文仲大爆陳鍵鋒嘅秘密，指佢係唱得之人，其實佢曾簽過3間唱片公司，仲試過差啲喺台灣出碟，雖然最後未能成事，不過可見佢有個歌手夢！黃偉文同陳鍵鋒原來係老友。黃偉文爆陳鍵鋒係唱得之人。陳鍵鋒近年甚少露面。陈键锋
神隱陳鍵鋒終於蒲頭 被黃偉文大爆秘密
