周奕瑋孖住無綫小花陳嘉慧飛東京 食嘢打卡購物樣樣齊隨住防疫措施放寬，港人近期報復式外遊，「日本達人」周奕瑋(Jarvis)近日就孖住無綫小花陳嘉慧(Erica)出發日本東京，拍攝無綫旅遊節目《請一日假去旅行》，Jarvis透露節目將教大家如何擅用3日兩夜時間快閃日本:「星期五、六、日，有3日時間去東京玩，呢個超級快閃旅程，我哋好似實時咁講吓可以做到乜嘢，我哋拍東京為主，係食嘢、打卡同購物嘢都有嘅，其他同事就去第二啲站。」「日本達人」周奕瑋近日就孖住無綫小花陳嘉慧出發日本東京。2人拍攝無綫旅遊節目《請一日假去旅行》。而於初中時期已隨家人移民日本的Erica，對當地亦相當熟悉，故將孖住Jarvis捐窿捐罅向觀眾推介特別景點，不過Erica出發前卻發生小插曲，竟忘記帶日本身份證:「上次飛完唔知放咗張日本身份證喺邊度，搞到臨到機場即刻折返屋企，以為掉咗，仲喺屋苑大垃圾桶度摷自己袋垃圾，好在嗰張係舊嘅，最終搵返張新嘅，即刻再飛去機場，過程真係膽戰心驚。」更指今次快閃行程緊密，為把握時間購物，寧願中午飯時間也放棄，一於Shopping大過天!初中時期已隨家人移民日本的陳嘉慧，對當地亦相當熟悉。周奕瑋把握時間購物。周奕玮
周奕瑋孖住無綫小花陳嘉慧飛東京 食嘢打卡購物樣樣齊
