鄭欣宜期待城堡開騷 自爆多人追：要揀㗎！歌手鄭欣宜今日（13日）到主題樂園出席活動，會上她分享多張從未曝光的私蜜照，包括她與亡母的合照，相中欣宜約兩歲，抱着媽咪和婆婆送她的首隻唐老鴨公仔，母女一起扮鴨嘴做鬼臉，十分Cute。另一張她在樂園與好友許廷鏗慶生，透露由細到大，心願是在夢幻的城堡開騷，感受奇妙氣氛，希望能愈快達成，或者舉行一個迷你騷先。問會否想同粉絲在城堡聚會？她說：「梗係好，之後可以安排Shopping，一齊玩一日就完美。（如果無酬勞收都肯？）如果畀我永世入場，咁就賺咗。」提到昨日執拾舊照時，勾起她與媽咪好多開心回憶，她說：「我2歲半同媽咪、婆婆以及親戚一齊去美國嘅樂園，好難得咁齊人，婆婆紮腳原本行得好慢，入到去好開心，未見過婆婆行得咁快，周圍陪我玩。另一次我帶婆婆去橫店探媽媽電影班，嗰時我已經17、18歲。」講到將來結婚會否也想在此舉行，她講笑：「有幸嫁得出嘅話，可以考慮。（多人追？）呢個就係問題，要揀㗎！（你係高竇貓？）我唔高竇，我好友善。」鄭欣宜出席活動，直言好期待於城堡開騷。更分享與好友許廷鏗到一同慶生的照片，相當開心。郑欣宜
鄭欣宜期待城堡開騷 自爆多人追：要揀㗎！
