【娛樂頭條】JW望兔年歌影視齊「發」 瓣瓣掂 打造吉祥咖啡拉花好兆頭飲落肚

【娛樂頭條】JW望兔年歌影視齊「發」 瓣瓣掂 打造吉祥咖啡拉花好兆頭飲落肚王灝兒(JW)由樂壇轉戰公仔箱,做到有聲有色!在剛過去的台慶頒獎禮,JW雖與「飛躍進步女藝員」擦肩而過,不過她亦雙喜臨門,憑《痞子殿下》得「最受歡迎電視拍檔」及主唱《白色強人II》插曲《Wish》得到「最受歡迎電視歌曲」,旺氣逼人。今個新年,JW就特意為《星島頭條》讀者以咖啡拉花寫一個「發」字,希望大家在兔年可以一起發! 文:霍淇 圖:羅安強【點擊睇JW整咖啡拉花】:JW喜歡跟檔主講價的過程。JW比起很多香港人過得更傳統,會一手包辦家裏的年花。JW好有心機。JW以咖啡拉花寫一個「發」字。JW整得似模似樣。JW仲有整兔仔應節。JW希望大家在兔年可以一起發。JW擺兔仔甫士好Cute。JW踏入新一年祝賀身體健康。JW(左二)憑《痞子殿下》奪得「最受歡迎電視拍檔」,又因主唱《白色強人II》插曲丸獲頒「最受歡迎電視歌曲」獎項。農曆新年,JW可能比起很多香港人也過得更傳統,皆因她會與家人及親戚一起拜祖先、吃早飯,而行花市也是她每年幾乎必做的事情,更會一手包辦家裏的年花:「我屋企其實住在維園附近,所以每年都會望落去,可以睇到有幾墟冚、幾熱鬧。由細個開始我差唔多年年都會去行花市,我覺得最令我開心是跟檔主講價的過程,通常由我負責幫屋企買晒啲花,例如桃花、水仙、桔,全部都是我買的。」派利是表達謝意JW笑言每次買花最享受的過程就是講價,若然成功就可以買到「半價」年花:「每次都劈more than一半,講到咪開心,但我覺得係意頭,好似大家一齊搵錢,一齊賺一齊開心。」對於最難忘的新年,JW就坦言是要派利是,皆因以往幫父母入利是的她,入行後首次向工作上的夥伴派利是,但派利是亦有煩惱:「入幾多錢好呢?跟住又會諗畀唔畀好呢?個輩分又好似唔啱數⋯⋯我覺得OK的,因為有時好難去表達對別人的感謝,可以趁新年多謝他們。」期待拍《痞子2》有進步回顧去年,JW拍了《痞子殿下》外,又做綜藝亦嘗試了參與歌曲的創作,對此她表示要讚揚一下自己,因為這樣才可以鼓勵自己未來做得更好:「我覺得我將自己所有嘢都再擴闊,這件事我好享受,所以我希望在2023年於不同範疇內都可以更好。其實我好期待拍《痞子2》,因為拍第一輯的時候我根本就唔識handle劇本,我第一次接觸咁多集的劇本,原來真係會唔識睇劇本、唔識點樣準備。因為拍的時候可能會跳來跳去而忘記了那個情緒,所以我好期待拍第2輯時能見到自己的進步。」盼開騷 又恨配音新的一年除了希望在演技上看到自己的進步,JW在音樂上亦訂立了很多計畫,除了最少推出四首新歌外,亦期望年尾能開騷:「公司一直都好支持,問我幾時開騷,但我覺得我好想有更多自己的作品,我先會去做一個音樂會大家睇。如果唔係、就會同以前一模一樣,這樣我覺得冇驚喜。如果我今年做好四首歌,我覺得我有足夠的信心可以在2023年尾開一個演唱會。」除了音樂,喜愛看迪士尼卡通的JW亦很想在今年實現為配音這個願望:「我說了好多年都未有機會,因為啲人成日話我把聲好卡通,所以我就好希望會做配音,這個也是one of my dream,配甚麼角色都冇所謂,只要是卡通片我就好開心!」JWJW王灝兒








Leave a Reply

Your email address will not be published.