甄子丹加持!王君馨為求逼真被劉雅瑟揸到窒息

甄子丹加持!王君馨為求逼真被劉雅瑟揸到窒息藝人王君馨(Grace)於古裝賀歲片中飾演漂亮、狠辣角色,事前狂煲林青霞、張曼玉經典電影作參考!首度與金像獎影后劉雅瑟合作,兩人惺惺相惜,拍打戲更絕冇留手,Grace被「入晒戲」的劉雅瑟抓頸至滿臉傷痕兼近乎窒息,不但不覺辛苦仲大叫「好爽!」Grace前年跳出無綫舒適圈,除了單拖北上參加綜藝騷,去年更接拍甄子丹自導自演電影《天龍八部之喬峰傳》,在戲中飾演重要角色之一馬夫人,機會可遇不可求,她指自己都很榮幸有此機會,並非常感謝子丹的支持與鼓勵,亦為了感謝對方的欣賞,她更加努力地希望做好一切,事前為了更投入去演一個「古裝人」,狂聽中國音樂以及狂煲經典古裝片:「林青霞、張曼玉、趙薇好多好多經典角色都有睇,要令自己投入古裝世界。」首次與陳鈺琪、劉雅瑟合作,Grace大讚陳鈺琪拍攝時很專注,至於劉雅瑟,更是她非常欣賞的演員:「我睇《智齒》時已經好想同佢合作,佢係個啲入咗個角色就出唔返嚟嘅人,我好愛呢啲演員,係一個戲癡,所以我同佢等埋位時,最鍾意講戲。(有冇邊一場最難忘?)聚賢居群打個場,雅瑟要好用力爪住我下鄂,我叫佢唔使就我用力啲,佢真係用真力爪到我一度窒息同啲微絲血管凸晒出嚟,因為要拍十幾Take,之後塊面都損晒,但出嚟效果好好,子丹都話唔Cut機,由我哋發揮。」王君馨離開無綫後發展更好。同大家拜年!王君馨祝大家身體健康。王君馨感謝子丹的支持與鼓勵。劉雅瑟與王君馨結片緣成為好友。打戲連場!色誘戲使出渾身解數除了打戲,子丹還安排了一場色誘戲,讓Grace自行發揮,亦令她很難忘,她說:「個場戲係同前輩杜玉明喺馬車入面拍嘅,子丹話由我自己發揮,有幾艷麗、幾煞食嘅招數全部攞出嚟,咁我話盡力啦,因為杜玉明本身都係打星出身,所以佢話未試過咁好福氣拍呢啲戲,連嘴戲都未試過,所以我都算奪咗佢嘅螢幕初吻,亦因為咁,呢場戲我唔驚佢,仲好記得句對白『我要你死得舒舒服服』。」兔年已經來臨,她祝大家身體健康,心想事成,自己則繼續可以於音樂、電影雙線發展。王君馨難忘拍攝色誘戲。王君馨使出渾身解數!Outfit:FRAY I.D王君馨






Leave a Reply

Your email address will not be published.