汪小菲又被爆偷食 疑背張穎穎夜店啜女相曝光!

汪小菲又被爆偷食 疑背張穎穎夜店啜女相曝光!台灣「資深狗仔」葛斯齊去年因連環爆料女星徐熙媛(大S)前夫汪小菲當年婚內出軌嘅親密照,搞到佢一夜間喺兩岸三地聲名大噪,估唔到依家汪小菲同女友張穎穎鬧分手之際,葛斯齊尋晚(27日)又嚟料,於直播時出兩張汪小菲同女生咀錫嘅相,並強調啲相係佢同張穎穎仍然拍拖時被拍到。相中見疑似汪小菲喺夜店同女生親近,一張係佢同多位衣着性感嘅女士坐埋一齊,另一張更係佢同一位女士錫嘴仔,加上葛斯齊指相中女生唔係張穎穎,即令到「#葛斯齊再曝汪小菲與女生親吻照#」話題登上熱搜,不過亦有網友質疑相中人係咪汪小菲,及相中二人接吻有借位之嫌等。目前汪小菲及張穎穎均未就爆料一事作回應。葛斯齊曾經公開過汪小菲婚內出軌嘅相。汪小菲依家就同張穎穎鬧分手。點知轉頭就爆汪小菲背張穎穎啜女。到底仲有幾多相揸手?今日(28日)葛斯齊更將佢喺Live中展示過嘅原圖放上社交網,及2017年大S佗第3胎時同汪小菲翹手出街嘅相,順勢推翻早前汪小菲媽媽張蘭質疑大S曾出軌之說,並留言:「PS. 張穎穎,除了懷孕照,這些照片都是你『任期內』所發生的事啊!快醒醒吧!不是都說摩羯座女生最理性、聰明、識大體嗎⋯⋯哎」之後葛斯齊晒出當年大S大住肚同汪小菲嘅合照。今次有原圖,等大家慢慢Judge。大家話似唔似汪小菲?汪小菲#张颖颖#





Leave a Reply

Your email address will not be published. Required fields are marked *