陶大宇旺角派福飯：最緊要長者開心！

陶大宇旺角派福飯：最緊要長者開心！藝人陶大宇今日（28日）初七人日到旺角派福飯做慈善，吸引數十長者排隊，有長者更索合照，大受歡迎。大宇稱經常落區派飯，之前去過深水埗和長沙灣，多謝團體支持，自己都有捐少許做慈善，最緊要長者開心，取福飯取好意頭，自己都開心，他說：「識咗班朋友做開，逢生日或節日都會做吓！自己好皮毛，唔夠其他人做得多，抱宗旨大家開心。（一路派一路唱歌？）唔會咁離譜。」他透露新年多親自下廚，與家人朋友相聚，並講笑認老，沒有甚麼好做。提到粵港通關後，過關方便，覺得不用急於到內地工作：「去年做得七七八八，找晒數，要畀自己抖吓，唔係搵夠，錢冇人嫌多，希望長做長有。」問到長輩有否趁機催婚？他表示沒有：「一定會嘅，有生之年會啩！都係正常人生，大家期待吓！（大搞？）睇情況及想法，都想以後有好日子過。」陶大宇去咗旺角派福飯。相當有心！陶大宇都話最緊要長者開心！陶大宇michael陶大宇