龔嘉欣向陳豪取經 疑收埋男友恨今年生B視帝陳豪與龔嘉欣今日（29日）出席無綫新劇《新四十二章》宣傳，陳豪更聯同鄭子誠舞獅助慶，同劇演員亦齊齊拿起揮春及小獅頭合照，場面熱鬧。對於太太陳茵媺於社交網大晒巨形花膠扒，陳豪笑言沒想到照片引來回響，還大讚對方廚藝一年比一年好，更指由於新劇延至3月開拍，有此趁難得的假期出埠，問到是否二人世界？他說：「兩樣都要，同小朋友去一次，再同太太去。（會唔會又造人成功？）唔好咁樣，見好就收，但最好唔好，都有3個小朋友、雖然同太太都鍾意小朋友，唔係生嘅問題，係教育過程都辛苦，依家都要幫啲太子同公主未來舖路。」陳豪大讚太太陳茵媺廚藝一年比一年好。巨形花膠扒，睇見都想食！嘉欣為將來打算單身的嘉欣則表示要向陳豪取經，請教夫妻相處之道，更指新年有到好姊妹陳凱琳家中拜年，還幫手為其初生BB餵奶：「真係好有滿足感，好恨生BB，唔知今年有冇機會，要睇緣分。（咪收埋咗個男朋友？ ）大家要知就會知，我唔講大話嘅，總之我冇話冇啦，我都大個女，要為將來打算。（咁元宵有冇節目？ ）可能要開工，總之係好時機就會公布啦！」龔嘉欣向陳豪請教夫妻相處之道。龔嘉欣恨今年生B。睇嚟陳豪要過兩招畀龔嘉欣啦！陈豪龚嘉欣
龔嘉欣向陳豪取經 疑收埋男友恨今年生B
