周柏豪出騷忙到嘔　自爆囡囡最唔鍾意佢返工

周柏豪出騷忙到嘔　自爆囡囡最唔鍾意佢返工周柏豪前晚（18日）到澳門參與一個群星演唱會，同場有台灣情歌王韋禮安、蘇永康和新世代的雲浩影、黃洛妍，脹爆的蘇永康一曲《越吻越傷心》掀起高潮，身穿白色圖案西裝的韋禮安化身王子造型，他興奮到唱到落台，跟觀眾近距離接觸，樂隊Dear Jane則壓軸登場，一連多首大熱作品炒㷫現場氣氛。柏豪除了Solo表演，他還彈鋼琴跟拉小提琴的黃洛妍合唱《我的宣言》，配搭新鮮令觀眾喜出望外，柏豪表示已經成3年沒有到當地表演，但因行程緊密，太太和一對仔女未有同行，他笑說：「我同囡囡講去返工，佢話最唔鍾意爸爸返工。」每次他都會去食卜卜蜆火鍋，可惜今次太趕冇得食，他又透露已着手籌備新主題巡迴演出，預計下半年展開。柏豪出騷都掛住個女！柏豪彈鋼琴，同拉小提琴的黃洛妍合唱《我的宣言》。黃洛妍表現好好！韋禮安成個王子咁。蘇永康脹爆。周柏豪