廉政狙擊︱蔡思貝無厘頭Rap住現身 搞笑緩和氣氛蔡思貝昨晚（21日）在無綫劇集《廉政狙擊》以無厘頭形式出場，竟然自拍騎呢見工片，希望調部門跟隨譚俊彥，她既Rap住自我介紹，又化身運動達人上山下海、連頌缽也出動埋。不過，她行動起來卻身手不凡，巧合地勇救黎學勤，大顯身手。她受訪透露劇中動作場面不算多，主要功能是負責緩和氣氛及搞笑：「啲劇情成日去到我度就會古怪咗，佢哋話我主要就係負責令觀眾放鬆，同埋令到性格拘謹的洛子峰（黃宗澤）生命作出改變，希望大家都鍾意啦。」講到拍攝Rap自我自薦片，她笑說：「因為導演要求我要Rap到好有自信，但其實係要Rap得唔好，正所謂『認真做無聊事』，拍嘅時候要忍笑。還有介紹頌缽那個腔調，也特意是想令人睇到噴飯，呢個係一個幾好玩嘅角色。」Rap晒咁，咩料呀？揸槍好型！打埋拳？有咩唔識？#廉政狙击#蔡思贝
廉政狙擊︱蔡思貝無厘頭Rap住現身 搞笑緩和氣氛
