藝人疑返酒店過夜扮露營 陳偉霆通宵玩Game成關鍵型男陳偉霆（William）去年參加拍攝內地節目《一起露營吧》，節目高收視，仲引起一陣露營潮。依家節目開到第二季《一起露營吧2》，班底就得番陳偉霆、楊迪有得留低，其他就換成魏大勛、尹正及張顏齊等，不過最近有傳嘉賓喺錄製結束後，並冇住帳篷，而係直接返酒店休息，搞到粉絲震怒，有網友更覺得被騙，質疑露營係「造假」。早前陳偉霆（左一）晒過拍第二季嘅現場藝人合照。陳偉霆再次擔正拍露營騷。節目組就極力否認，仲post埋對話出嚟。今日（23日）節目組發聲明回應此事，否認造假：「現網傳視頻系惡意拼接剪輯混淆事實。《一起露營吧2》節目錄製期間，參錄嘉賓全員夜宿帳篷內，無一例外。」並公開工作人員間嘅對話，當中就有提到藝人喺帳篷中仲未起身，拍攝隊要提早去捕捉藝人起床梳洗嘅一面，仲意外曝光陳偉霆同尹正等成晚通宵玩狼人殺，爛玩到要攝製隊去提醒佢哋早啲瞓等對話，以證明藝人真係喺營地過夜。陳偉霆就曾經被拍得邊剃鬚，邊同嘉賓吹水。佢仲被爆同尹正通宵玩狼人殺。全體藝人7點幾都未起身。陈伟霆
藝人疑返酒店過夜扮露營 陳偉霆通宵玩Game成關鍵
