隱形戰隊｜馬國明除皮帶熱吻激戰唐詩詠 自爆太熟一開機即嚟料劇集《隱形戰隊》近日率先播放馬國明與唐詩詠的預告片，重燃愛火的倆人即激動熱吻，詩詠更主動脫下男方的皮帶，將馬明推倒在床上，相當火辣！昨日（2日）馬國明出席《隱形戰隊》宣傳活動時，透露這場戲拍得好順利，同詩詠太熟唔覺尷尬：「好在嗰個係詩詠，因為我同佢太熟，變咗我哋唔使有咩忌諱，我同詩詠唔使點避忌，印象中好快拍完，take咗兩take咁就搞掂晒。」馬國明除皮帶熱吻激戰唐詩詠，相當火辣（梁碧玲攝）馬明續說嘴得咁激，好難一件衫都不脫：「少少嘢都唔除就好奇怪，所以我哋就諗緊，除皮帶囉，男仔就簡單啦，除件恤衫除個皮帶，咁就已經交代到嗰件事。嗰場戲真係冇乜嘢，大家感覺好似好激咁，其實係個鏡頭。」你睇吓佢！（劇集截圖）隐形战队kennethma马国明唐诗咏
隱形戰隊｜馬國明除皮帶熱吻激戰唐詩詠 自爆太熟一開機即嚟料
