陳貝兒與李克勤夫婦唱K 盧淑儀獲讚逆齡生長藝人陳貝兒主持《無窮之路》系列節目，成功喺內地打響名堂，近年接Job冇停手，可謂大豐收！原來佢同近年同樣係北上「掘金」嘅李克勤係多年好友，得閒就會約出嚟敍舊，尋日（6日）佢喺社交網晒出同李克勤夫婦一齊去唱K嘅相，留言：「我真係好 鍾意放假，不停食、不停唱、不停講，happy singing, eating,chatting with Mr and Mrs Lee。」睇嚟佢呢個假期玩得好開心！而少有公開露面嘅李克勤太太盧淑儀相當搶鏡，網民大讚佢即使素顏上陣依然好靚女，加上肌膚望落極為緊緻十足少女一樣，簡直係逆齡生長，完全睇唔到已經49歲呀！陳貝兒（中）同李克勤夫婦唱K。陳貝兒近年於內地發展不俗。李克勤陈贝儿
陳貝兒與李克勤夫婦唱K 盧淑儀獲讚逆齡生長
