黎耀祥邀朱凱婷開箱氣派豪宅 激讚生活便利近年積極轉戰內地發展嘅視帝黎耀祥（祥仔），電視、電影圈及廣告接不停外，亦認真營運社交網吸粉絲，可以話財源滾滾。而向來出名錫老婆嘅祥仔，早前更係中山置業，並邀請好友朱凱婷（Heidi）嚟氣派大豪宅作客！生活悠閒寫意。祥仔邀請朱凱婷參觀豪宅。只見祥仔家嘅客廳中央擺放了一張L型梳化外，還有一張單人椅圍繞雲石茶几，牆邊設有一大個裝飾櫃，而露台前更設有落地玻璃，採光明亮空間寬敞，相當寫意與氣派。露台外亦擺放了不少綠化植物，並有枱櫈方便閒時歎茶賞景。由於工作關係，成日香港與內地兩邊跑嘅祥仔，就分享道十分睇好大灣區發展：「可能始終都係廣東人啦，對廣東始終都有個親切感嘅，譬如我做嘢成日去北京、杭州呀，杭州我都好鍾意嘅。風景又好，但係硬係冇嗰種要定居嘅感覺。中山就唔同喇，好多嘢都好親切。」激讚生活便利。相當睇好大灣區發展。黎耀祥
黎耀祥邀朱凱婷開箱氣派豪宅 激讚生活便利
