娛樂即時娛樂中年好聲音｜周吉佩奪冠被指造馬 曾志偉：我都估唔到佢會攞到獎曾志偉今日（25/4）現身西貢出席慈善活動。提到無綫歌唱比賽真人騷《中年好聲音》有網民對結果不滿，投訴第二部份快歌環節分數欠缺透明度，疑有造馬之嫌。曾志偉今日出席慈善活動。（葉志明攝）曾志偉接受《香港01》訪問時表示：「根本冇可能。因為你要有幾個人唱得唔好，就話幾難呢，個個人都係出盡力，係咪先。咁嗰晚吉吉（周吉佩）我都估唔到佢會攞到獎，因為佢係50強嘅時候，佢係差啲俾人淘汰，但你係睇住佢進步。所以同港姐一樣，好多時候爆冷嘅時候都會有一講。其實我哋冇機會將所有啲分數俾大家睇，而且當晚吉吉嘅分數真係滿分。（網民投訴快歌評分欠透明度？）其實嗰陣時我都即刻話俾佢哋聽，點解你哋唔騷出嚟？但佢哋話冇時間。我就同佢哋講，你哋應該每一樣嘢都要清清楚楚出嚟，其實你要造馬嘅，就算騷埋出嚟都可以造啦！咁所以呢我哋有會計師樓喺度核數，邊有得假㗎。」曾志偉強調《中年好聲音》賽果沒有造馬。（葉志明攝）曾志偉稱當晚吉吉嘅分數真係滿分。曾志伟
娛樂即時娛樂中年好聲音｜周吉佩奪冠被指造馬 曾志偉：我都估唔到佢會攞到獎
