林宥嘉巡唱Jer獲邀合唱 紮紮跳激興奮台灣歌手林宥嘉（Yoga）闊別香港4年嘅佢，4月於紅館舉辦一連3場嘅《idol 2023世界巡迴演唱會香港站》，而昨晚（29日）第二場演出中，更見到容祖兒、蔡卓妍（阿Sa）、MIRROR成員柳應廷（Jer）、李駿傑（Jeremy）等藝人捧場支持。係林宥嘉忠實粉絲。而眾所周知向來都係林宥嘉超級粉絲嘅Jer，就係演唱會尾聲時突然被Yoga邀請即興合唱，突如其來嘅幸福令Jer興奮到喪點頭兼紮紮跳！不過幸福來得太突然，連Jer都緊張到個腦一片空白唔知唱乜歌嘅時候，台上嘅偶像Yoga就喪催：「快啲諗，時間唔多！」，好彩旁邊觀眾及時建議Jer唱之前《造星II》唱過嘅《眼色》，場面認真搞笑。Jer突然被點名合唱，好緊張！完場後，Jer同Jeremy都去咗後台同偶像合照，而Jer更喺社交網發長文表示：「黐線系列！唱完之後我不斷問自己係真的嗎…好像發夢一樣，台前是林宥嘉，然後是跟他合唱(O~M~G~現在都不能相信…）」身為超級粉絲嘅Jer，亦補充道其實自己中學畢業就有唱過Yogo嘅《說謊》，並感謝對方知道MIRROR嘅歌，以及今次合唱嘅機會。一圓同偶像合照美夢。林宥嘉
林宥嘉巡唱Jer獲邀合唱 紮紮跳激興奮
