馮允謙入行11年　首奪「十優歌手」意義重大

馮允謙入行11年　首奪「十優歌手」意義重大歌手馮允謙（Jay）出席荃灣舉行的活動，入行11年的他首獲港台頒獎禮的「十優歌手獎」，他表示意想不到，因樂壇有不少欣賞的歌手，如陳奕迅和容祖兒的歌手得此獎多年，現可擠身十大實在難得，感覺意義重大及具認同性。問可恨攞其他獎項？他望能成圓「CASH最佳創作歌手」獎三連貫夢，坦言已連續得此獎2年，獲獎亦是對幕後團隊一個肯定，覺得迄下不少歌手也有參與創作，所以沒諗過誰是最大競爭對手，至於可想過擸埋「最優秀流行男歌手獎」？他笑言：「梗係想，係咪好貪心？獎項對公司嚟講好緊要，不過唔會畀自己太大壓力，都係做好音樂回饋歌迷為先。」他又謂擔任《全民造星V》的導師，錄影工作接近尾聲，覺得今年參賽者水準高又多元化：「佢哋有靚仔，又有啲識唱歌、跳舞，仲識編曲同玩樂器，（夠唔夠姜濤靚仔？）好難講，姜濤一出嚟就係Star，冇人有疑問，覺得呢班新仔需要時間去栽培及訓練，我相信佢哋一定得。」更謂因愛錫這班參賽者，所以承諾會提供百分百協助：「無論唱歌技巧或者編曲等任何疑問，都可以問我意見，但我又唔想畀太大壓力佢哋。」馮允謙入行11年首奪「十優歌手」。佢表示能夠躋身十大已很榮幸。講到做《造星V》導師，佢就話一班參賽者唔及姜濤有星味。冯允谦