吳建豪當面提少時成員 Jessica勁尷尬再惹不和傳聞台灣藝人吳建豪日前同韓國女神Jessica（鄭秀妍）於內地出席活動，佢哋傾偈嗰陣，講到大家有咩共同朋友，最初吳建豪提到饒舌歌手Reggie，令Jessica好開心，不過之後佢再提到幾年前見過少女時代成員Tiffany同秀英，即刻令到Jessica好尷尬，不過佢都保持專業態度，一直保持微笑回應話：「Oh…Ok…」但係佢嘅尷尬表情全都被影低，網民搞笑話係「大型炒車現場」。於活動結束後，吳建豪喺社交網分享與Jessica合照，仲配上少女時代的代表曲《Gee》，引起網民熱烈討論。吳建豪分享與Jessica合照。吳建豪當面提少時成員，令Jessica好尷尬。不過Jessica都好專業，一直保持微笑。網民搞笑話係「大型炒車現場」！其實Jessica喺2007年以少女時代一員出道，不過佢於2014年喺冇預警下被迫退團，佢透露被信任的人背叛，矛頭直指佢所屬嘅公司以及隊友，震驚藝能界！而佢退出組合後，亦從未同舊隊友有過任何互動，令不和傳聞更添真實性！不過當時佢所屬嘅SM事務所就同佢嘅講法完全相反，指佢退隊係為專注個人品牌活動自願退出，亦有傳佢因計劃結婚而放棄「少時」，所以佢退團嘅真實原因就真係不得而知啦！Jessica當年冇預警下被迫退團。吴建豪
吳建豪當面提少時成員 Jessica勁尷尬再惹不和傳聞
