鍾嘉欣胡杏兒家庭會面 大合照梳化都坐唔晒藝人鍾嘉欣近日帶同小朋友回港，四圍去嘅佢次次出動都係「一拖三」，一個大人帶住3個小朋友，都真係幾辛苦。點知佢今次將難度先級，竟然約埋同樣係有3位小朋友嘅胡杏兒聚會，場面非常「盛大」。鍾嘉欣今次湊住3個小朋友同胡杏兒一家五口聚會，鍾嘉欣的6歲大女Kelly、4歲二仔Jared與剛滿半歲的細女Anika，與胡杏兒的5歲大仔大仔Brendan、3歲二仔Ryan和上月剛滿2歲的細仔Liam，總共6個小朋友，就已經逼爆梳化，難怪連鍾嘉欣也留言寫上：「Full House（全院滿座）。」當中Kelly雙手擺下巴扮花勁可愛，真係搭晒鏡。見佢哋咁多人，真係睇到網友眼都定晒，仲引得楊怡、雨僑、王君馨等留言想Join。網友更忽發奇想，嗌佢下次可以再加埋同樣有3個小朋友嘅陳豪陳茵媺、鄭嘉穎陳凱琳兩對夫婦gathering，場面實似足幼稚園開學咁震撼。今次真係好齊人喎！鍾嘉欣（中排左）今次湊住3個小朋友，終終有對手。唔知佢下次會想搵邊個花旦呢？钟嘉欣胡杏儿
鍾嘉欣胡杏兒家庭會面 大合照梳化都坐唔晒
