【晴報】張景淳做老闆大灣區賣港式小食 同羅天宇李興華齊齊做生招牌吸客張景淳（Stanley）近日榮升老闆，他在IG拍片宣傳在深圳南山區開港式小食檔攤，呼籲大家多多支持，而且他跟好兄弟羅天宇、李興華做「生招牌」，齊齊落手落腳招呼客人，又樂於跟途人拍照留念，相當旺場；而Stanley在《愛回家之開心速遞》中飾演龔燁大受歡迎，有不少「龔水黨」粉絲上大陸支持偶像，非常熱情。Stanley、羅天宇和李興華合作的品牌名為「港飲港食—香港小吃」，這次獲得邀請在南山區藝術節的嘉年華參與展覽，前者說︰「今次活動好成功，我哋品牌新成立，好多粉絲特別上深圳支持，亦有內地粉絲同街客，大家好踴躍，成績好理想。知道藝術節會好多人流，已經準備好多貨，點知第一日好快賣晒！第二日雙倍材料又賣晒，第三日再雙倍都賣清晒。真係估唔到咁好反應，有少少分身不暇，要不斷加人手同加材料。」Stanley透露今次投資六位數字，三個人合力去經營這家公司，希望推廣發展飲食事業，第一炮做港式小食，「本身我哋已經有一間實體店，而家目標係營地，內地而家嘅年輕人好流行營地文化，可以同商場合作將廣場改造成好似郊外嘅感覺，係新興潮流，內地年輕人好鍾意去營地消費。我哋都覺得用營地呢個形式去發展香港小食，非常適合。」他表示上月仍在試業階段，5月起會每個月落實一個營地，亦有不少內地朋友希望加盟品牌，他預計往後會以加盟店的方式營運，努力擴展飲食版圖。Stanley稱三老友合作，其實早於入行初已經構思，「初初加入電視行業已經認識，大家都鍾意食嘢，當時話如果將來有一日搞副業，一定要搞飲食。興華爸爸做總廚，我十年前立志要拜師學佢門手藝，估唔到十年後有機會實踐。我啦，天宇同興華都好鍾意雞蛋仔之類嘅親民食物，希望推銷畀內地市民。」活動連續一連幾日舉行，Stanley北上看檔之外，亦要南下返電視城拍攝《愛回家之開心速遞》，兩邊跑非常辛苦，他說：「其實我同天宇雖然要兼顧兩邊，我哋都唔怕辛苦，因為第一次創業，大家好上心。天宇負責形象方面同設計，大部分嘢用電腦同喺屋企處理到，至於我就腳骨力要畀多少少，因為我係要管理食物、食店同流程。至於興華就負責協商，同合作夥伴傾偈、同策劃，大家崗位有所不同，分工做好件事。」李兴华张景淳罗天宇
【晴報】張景淳做老闆大灣區賣港式小食 同羅天宇李興華齊齊做生招牌吸客
