入過雪櫃！張景淳北上擺檔賣魚蛋 疑為轉行鋪路藝人張景淳憑處境劇《愛．回家之開心速遞》入屋，但去年有指佢衰遲到而一度被掟入雪櫃，雖然及後成功解凍，但曝光率已大不如前。近日佢更孖住前無綫藝人好友李興華北上搞飲食生意，疑似為轉行鋪路。見佢哋於深圳市集擺檔，張景淳仲一腳踢包辦布置檔口、寫餐牌等雜務，兼落手落腳炮製魚蛋、雞蛋仔等港式小食，而無綫當紅小生羅天宇都有撐場做「羅小二」，吸引唔少粉絲幫襯，殺出一條新血路。張景淳憑《愛．回家之開心速遞》入屋。同呂慧儀組CP大受歡迎。但去年曾一度被雪。最近佢孖住李興華、羅天宇北上搞飲食生意。自稱張店長。親力親為布置攤檔。落手落腳炮製魚蛋。好落力。张景淳
入過雪櫃！張景淳北上擺檔賣魚蛋 疑為轉行鋪路
