楊茜堯一家暢遊日本　3歲「小珍珠」畏高樣超可愛

楊茜堯一家暢遊日本　3歲「小珍珠」畏高樣超可愛藝人楊茜堯（原名楊怡）同家姐楊卓娜（原名楊娜）一向感情好，最近復活節，佢哋兩家人就去日本旅行。楊怡日前就喺社交網分享喺機場出發嘅片段，今次係大女「小珍珠」第一次坐飛機，見佢心情相當興奮，同時又好緊張，因為「小珍珠」畏高，更被媽媽捕捉到佢個嘟嘴驚樣，超級可愛。而楊茜堯就大方以素顏出鏡，見佢五官立體、皮膚充滿光澤，Keep得好好！楊茜堯最近同家姐楊卓娜一家去旅行。今次係大女「小珍珠」第一次坐飛機，見佢心情相當興奮。因為「小珍珠」畏高，更被媽媽捕捉到佢驚樣。超級可愛！楊茜堯更喺貼文寫到：「復活節嘅時候，第一次帶珍珠妹搭飛機去旅行，很久沒有出門，我哋嘅心都好興奮和期待。不過我哋唔敢同珍珠妹講去搭飛機，因為佢成日話好高吖，唔要吖，佢要搭火車，所以由頭到尾我哋都唔敢同佢講『飛機』兩個字，影相都係離遠影飛機。不過佢好合作，上機就瞓，瞓醒就食第一次嘅飛機餐，好滿足，媽媽畀個叻你！」而楊茜堯家姐楊卓娜亦分享多張一家人旅行嘅靚相，更留言：「#楊氏宿舍#楊氏姊妹花」，非常溫馨。而楊茜堯家姐楊卓娜亦分享多張一家人旅行嘅靚相。場面溫馨！杨茜尧