車Cam直擊︱衛詩雅遇恐怖交通意外 私家車險撞粉碎交通意外時時有，依家大家都會喺車上裝車Cam，保護自己亦保護身邊行駛車輛！藝人衛詩雅尋晚（3日）就貼上車Cam直擊片，發文道：「前排揸車目擊一單嚴重交通意外😱⋯⋯真係嚇死我🥺大家小心駕駛 原來我遇到危險係會講英文😅 開聲睇」原來係佢日前目擊一宗恐怖交通事故，鏡頭影到高速公路上一架私家車同貨車切線期間，兩車因距離不足相撞，私家車被貨車推行至少10米，現場頓時沙塵滾滾，私家車更險被撞至粉碎，而衛詩雅架車僅喺兩車旁貼住駛過，場面相當驚險。福大命大嘅佢就自拍報平安，又呼籲大家小心駕駛，仲自嘲喺片中驚訝高呼：「好驚呀，Oh My God！」好友陳家樂亦有留言安慰：「真係好恐怖」。衛詩雅今次都似足「死神來了」，冇事。嘩嘩嘩，真係喺佢身邊抄車！好在冇波及到佢。衛詩雅
車Cam直擊︱衛詩雅遇恐怖交通意外 私家車險撞粉碎
