單文柔首度夫妻檔任代言人 陳展鵬公然讚美容師靚女陳展鵬、單文柔（Phoebe）、王馨平、林漪娸出席美容活動。陳展鵬與單文柔首次以夫妻檔擔任代言人皆指酬勞是開心價，相當滿意。Phoebe以低胸裙示人，加上裙子在燈光下出現透視效果，相當性感，她自嘲保守，裙子原是展鵬挑選，相當大方，他笑說：「唔緊要啦，佢下半生都交咗畀我，我會好好照顧佢。（鍚住佢下半生？）鍚就全身都錫嘅，其實佢每次宴會啲裙都係我幫佢㨂，希望唔會出事啦。」羨煞旁人！講到展鵬席間膽敢在老婆面前大讚一眾美容師靚女，他笑言是為了搏取美容師歡心，美容時有更好手勢。Phoebe表示不會吃醋老公被「全面摸」摸蝕，最緊美容後變得更靚，又大讚老公近期為準備開新劇練拳，身形狀態100分，覺得老公好man，有興趣跟老公一齊練拳，她說：「佢皮膚不嬲都幾好，都有人懷疑過係咪整過架，但係摸過之後就知道貨真價實。」開心受訪！將開拍《逆天奇案2》的展鵬自言相當抵用，無論客串、反派、動作戲也能應付，希望首次拍劇集續集不會令大家失望。講到最近直播帶貨，他指相當好玩，既可以講廣東話和普通話，好似參與綜藝節目一樣。王馨平狀態大好。林漪娸盛裝出席活動。人才濟濟！陈展鹏单文柔
單文柔首度夫妻檔任代言人 陳展鵬公然讚美容師靚女
