袁偉豪拍旅遊節目 爆張寶兒晏起身藝人袁偉豪與太太張寶兒之前以夫妻檔拍攝無綫旅遊節目《同屋企人去旅行》，而今晚(18日)及明晚將播出最後2集。整個旅程，袁生袁太都表現得相當冤氣，全程瘋狂自拍之餘，又不斷「你窒我、我窒你」打情罵俏。袁偉豪不時有意無意在鏡頭面前大爆老婆「晏起身」、每次出門都要花很長時間化妝，平時亦甚少下廚等，但每次窒完或爆完老婆小秘密後，他都必定馬上認低威，偶爾又會口花花氹張寶兒開心，十分抵死。自拍留念！相當恩愛！「你窒我、我窒你」打情罵俏！有一幕張寶兒正經問他：「平時旅行鍾意做乜?」，豈料袁偉豪零預警下爆出一句：「我剩係鍾意幫我老婆影相」，成功氹得張寶兒笑逐顏開」。袁偉豪更乘勢指每次出遊的使命就是「睇實」張寶兒，甜度爆錶：「我要睇住你，你知你近年幾唔捱得，次次出完埠你就病，我命中注定就係要湊住你。」「你窒我、我窒你」打情罵俏！袁偉豪表現專業。張寶兒十分開懷。明晚（19日）一集，袁偉豪將接受太太開出的「四分鐘對望」挑戰，二人在叢林中不發一言對望，張寶兒起初一直強裝鎮定，直到袁偉豪問她是否有異樣時，她即馬上流下感觸眼淚，張寶兒邊抹眼淚邊說：「我好少咁樣望住你，我好開心咁多人裏面都會遇到你。」此時，全程無厘正經多的袁偉豪亦發表「愛的宣言」：「呢五年嘅感覺係愈嚟愈需要你，我每一日出街都會拖住你，因為我覺得拖住你令我好安心……拖住你令我覺得好快樂，多謝你喺我最脆弱嘅時候扶住我。」大晒恩愛！拍攝過程相當愉快。張寶兒哭了！袁伟豪张宝儿
袁偉豪拍旅遊節目 爆張寶兒晏起身
