【晴報】馬國明趕拍《新聞女王》嗌辛苦 享受跟佘詩曼合作：佢係一個好好對手馬國明今日到電視城出席劇集《法言人》祝捷會，馬明對該劇大結局7天跨平台總收視有25.3點感到十分開心，他表示：「監製家豪哥話公司九點半通常無咁好成績，可能近年觀眾生活模式改變咗，入夜後會上網做自己嘢，第二日先睇返劇，所以呢個成績都有啲驚喜。」馬明又笑指：「我無諗過呢套同《隱形戰隊》觀眾咁受落，係有啲運氣，依家呢套收視仲要好過上一套，最初都驚出太密，我從來都覺得《法》故仔好完整，係驚觀眾又見到我會覺得悶，好彩出到嚟無咁大聲音。（收視福將？）如果觀眾鍾意睇梗係開心，做得咁辛苦都係想觀眾鍾意睇，福將就唔敢講，係好運啫。」近日馬明忙於趕拍新劇《新聞女王》，預計拍到六月中，由於最近一個月都要趕拍主景，所以拍得比較辛苦，馬明表示：「主景好多戲份，有好多辦公室政治嘅戲。但最開心係可以同佘詩曼合作，同佢拍戲好正、好享受，佢係一個好好嘅對手，又好照顧大家，間唔中會請食嘢。」撰文：倪小珊採訪：黃寶蓮攝影：林良明法言人#新闻女王#kennethma马国明
【晴報】馬國明趕拍《新聞女王》嗌辛苦 享受跟佘詩曼合作：佢係一個好好對手
