JW剪短髮獲好評 拍出浴鏡頭勁有Feel藝人王灝兒（JW）今晚（14日）出席劇集《痞子無間道》煞科宴，未開席即掏出快餐店外賣，被記者發現時說：「因為今晚要作戰，我哋豁咗出去，所以擔心會飲好多（酒），想食啲嘢頂住先。」她打趣已有心理準備飲醉：「叫咗人嚟接我，同埋會食藥，等自己可以飲多啲。其實今次最難得係台前幕後都好玩得，但唔知仲會唔會有第3集，所以要盡興。」她透露今晚多人夾錢埋單兼抽獎，自己是其中一個。談到支出，她說：「OK，唔係好多，好合理嘅，志在開心。」談到完成所有拍攝，是否可以放假休息，她回答說：「咁又唔得，因為我啱啱出咗新歌《分手後的治癒療程》，已經拍埋MV嘞，仲有我好喜歡嘅出浴鏡頭，呢個超開心，我想拍咗好耐嘞。（好性感？）只係露膊頭啫。（點解咁想拍？）因為呢啲鏡頭拍得好靚，唔好猥瑣，要有美感，加上可以拍埋用花灑沖走淚水，好有Feel。（你自己成日係咁？）係，」至於今次因為角色需要而剪短頭髮，她透露外界反應不錯，大讚形象清爽，不過目前正考慮留回長髮。JW剪短髮獲好評。不過JW考慮留回長髮。JW
JW剪短髮獲好評 拍出浴鏡頭勁有Feel
