鄭嘉穎激罕騷肌冇人理　網友一致讚囝囝：得意有型

鄭嘉穎激罕騷肌冇人理　網友一致讚囝囝：得意有型視帝鄭嘉穎同老婆陳凱琳2018年結婚至今恩愛如初，即使2人相差22載仍恩愛不減，結婚4年間就育有3子，最細嘅孻仔Carlos亦啱啱滿5個月大，一家5口生活幸福美滿。而值得一提，年過半百嘅鄭嘉穎仍保養得宜，有着一副驚世童顏外，Fit到漏嘅精壯好身材，更係令人鼻血直流，睇到眼定定。激罕騷肌肉。尋日（14日）鄭嘉穎喺社交網晒出陪家人泳池戲水嘅靚相，只見化身奶爸嘅鄭嘉穎赤膊上身，下身剩係得件短褲落水，抱起囝囝嘅動作更大晒健實大胸肌同六舊腹肌，身材Fit到漏外，濕咗水後仍然濃密黝黑嘅頭髮，更係絲毫未見「地中海」迹象。可惜靚仔雖然誘人，不過小朋友就更吸睛，引嚟唔少網友大讚囝囝得意又有型。不過畀囝囝搶晒Fo。老公視角。郑嘉颖