莊思敏宣布入手的士牌 網友建議：接載楊明因喺節目《一舞傾城》表現亮眼而人氣急升嘅藝人莊思敏，近期登台工作更係接不停，頻頻北上搵真銀外，隨着演藝事業創高峰，莊思敏更乘勝追擊入手埋的士牌，而據莊思敏所稱，市場價至少逾470萬起，認真富貴！香港地投資咩好？竟然好搵過樓盤買賣？近日，莊思敏喺社交網拍片透露自己入手咗的士牌，更分享投資的士牌嘅着數處，除入手門檻低外，就連甩手都相當容易，抵過投資樓盤。雖然莊思敏認真地詳細分享，不過就有唔少網友搞笑錯重點，紛紛建議佢開的士接載細妹莊思明嘅男友楊明：「開車次次都出事！」而莊思敏除咗投資的士牌，更曾經營酒吧、點心店及時裝店等生意，嚟緊仲準備投資埋護膚品生意，創業創不停。恭喜晒！網友搞笑話做楊明接載專員。庄思敏杨明
莊思敏宣布入手的士牌 網友建議：接載楊明
