王敏奕自爆要同羅子溢親熱：唔知佢點發揮

王敏奕自爆要同羅子溢親熱：唔知佢點發揮藝人王敏奕（Venus）下午盛裝出席醫美品牌活動，心情不錯的她甫見記者即主動打招呼笑說：「好耐冇見，我唔喺香港一個月喇，出埠拍劇最耐嘅一次。」由於已進組趕拍《家族榮耀之繼承者》，Venus今日特意由馬來西亞請假返港，透露於當地拍攝進度不錯，台前幕後亦相處愉快，與拍檔陳瀅及陳靜分外啱傾：「尤其陳瀅姐好似未出發先興奮，余安安出去食嘢都預埋我，但我身體唔係幾好，到埗後病咗一星期！」王敏奕已進組趕拍《家族榮耀之繼承者》，仲拍得勁開心。同個個都好Friend。當被問到與哪位對手戲最多，她答：「羅子溢，嚟緊我返去都要同羅老師拍親熱戲，唔知佢點發揮。（第二次同佢談情？）上次拍《婚後事》唔係好算，今次都唔多激情戲嘅。」談到與老公曾國祥分開一個月，Venus笑說：「佢都好忙，啱啱先出席完影展返到香港。我聽日就飛返馬來西亞，所以約咗佢今晚食飯。（佢會唔會過去探班？）佢都想，不過目的唔係探我，而係去食嘢。」要同老公曾國祥分開一個月，今晚終於有得見一面。之後仲會同羅子溢拍親熱戲。王敏奕罗子溢