王祖藍神隱因為WFH 是否出任首席創意官叫留意官網藝人王祖藍約大半年未有在港公開露面，今晚他與蔡思貝、游嘉欣及曹永廉等，錄影節目《獎門人中秋感謝祭》。談到這段時間的去向，他打趣：「Work from home，我依家都仲係咁㗎，加上內地工作多成日四圍走。（傳你嘅資料喺TVB藝員網下咗架。）我冇做藝人好耐啦，2年前已經退居幕後。」問到是否仍出任首席創意官之職時，他大耍太極：「上TVB官網睇啦，唔知呢！」王祖藍親解神隱之謎。談到本屆港姐決賽司儀表現被形容為「災難級」，祖藍謂：「當日我有工作，後來先留意番啲新聞，4大小生點會（災難級），齋睇顏值都已經贏咗啦！佢哋的確唔容易，大家都要體諒。」他又透露去年是「福祿壽」成軍15周年，演唱會因疫情押後到下月啟動，首站演出在東莞，然後會去馬來西亞及北美等地。麥美恩狀態大勇。另外，擔任「獎老」的麥美恩為港姐決賽任嘉賓司儀期間，胸口突然出現大遍紅印，事後不停收到各方面的短訊慰問，她直言依然在回覆中！且笑說：「睇到網上嘅點擊同評論，知道我嘅心口同冠亞季軍一樣咁火熱，哈哈！我比較怕熱，但當晚錄影廠冷氣為配合配合舞台效果，而設定得好弱，所以我先會有咁嘅情況，都唔係第一次㗎嘞。」她又指今晚獎門人缺席，其主持位置由錢嘉樂暫代，他亦預先祝大家good show。王祖蓝
王祖藍神隱因為WFH 是否出任首席創意官叫留意官網
