蔡潔唔心急置業 家居設計最緊要溫馨藝人蔡潔近日為網上室內設計節目擔任嘉賓，她透露現時租屋住，講到置業計劃，她稱正努力儲錢：「幾時置業就隨緣，不過我唔係好恨置業嘅人，亦唔係將呢樣嘢放首位，可以再觀察，睇吓有冇更好投資選擇。（Dream House係點？）我認為一個家最重要係有愛嘅成員，有父母同我隻貓就係我嘅Dream House。」對於家居設計，她覺得最重要是溫馨：「我會想自己參與設計同買傢俬，我鍾意圓潤嘅家具，例如豆豆椅，因為我鍾意坐喺地下，而且要明亮色調，採光度好，感覺都舒服啲。」她自認是貓奴，家居一定要有空間給貓咪：「我嘅房同廳都有貓架，畀佢多啲活動空間同樂趣佢哋。」另外，工作方面，她透露10月會有新劇拍攝，亦有一個健康產品廣告拍攝，最近她正積極操肌，希望以最弗狀態示人。蔡潔為網上室內設計節目擔任嘉賓。一齊送心心！嚟張自拍先！蔡潔依家努力儲錢，不過就唔急買樓。蔡潔最近正積極操肌，希望以最弗狀態示人。蔡潔最近正積極操肌，希望以最弗狀態示人。蔡洁
蔡潔唔心急置業 家居設計最緊要溫馨
