羅嘉良陳錦鴻《創世紀》後再合體 勾集體回憶視帝羅嘉良（撈家）於1999年同陳錦鴻合作嘅經典劇集《創世紀》，於劇中飾演許文彪嘅陳錦鴻同飾演葉榮添嘅撈家，有唔少鬥過你死我活嘅場口，深入民心，成為唔少網民嘅集體回憶！陳錦鴻早年因照顧自閉症兒子而淡出幕前，近年已復出拍劇，仲轉戰內地，不時登台演出，同過唔少昔日好友碰面，日前佢就同撈家合體開工，即時勾起回憶殺！不過就未有佢哋呢次拍攝詳情，引起網民猜測佢哋係咪一齊拍廣告，而撈家最近忙於為劇集《家族榮耀之繼承者》開工，有人估陳錦鴻係咪有份客串演出？仲有網友召喚喺《創》中，佢哋嘅好兄弟郭晉安，想佢哋三兄弟再度合體添！羅嘉良同陳錦鴻再合作。一齊開工！唔知拍緊咩呢？羅嘉良同陳錦鴻當年合作拍《創世紀》成為經典！網民想佢哋再合體！罗嘉良陈锦鸿
羅嘉良陳錦鴻《創世紀》後再合體 勾集體回憶
