唐詩詠孖兩隻愛貓合照難過登山 自爆黑面係特色藝人唐詩詠早前喺社交網貼上同兩隻愛貓合照，佢留言：「平時同包包無乜兩句的銀仔，尋晚好有耐性好配合，呢張係歷史上第一張銀包合照，我嘅銀包從今天開始，應該會幾好。」原來是貓咪包包生日，詩詠預備咗生日帽、口水肩為包包扮靚靚，又以白方包代替蛋糕，插上蠟燭同包包慶生，最難得嘅係另一愛貓銀仔肯坐定定入鏡，造就咗史上首張「銀、包」合照，認真畀面。圈中好友張曦雯留言祝包包生日快樂，又指銀仔個黑面樣好搞笑，詩詠就回覆：「Black face 應該是我家特色」，而黃翠如就讚生日口水肩好靚，亦有網友留言：「破壞王生日快樂，繼續搗亂，你媽媽搵到，冇關係。」詩詠無奈回覆：「這個祝福好特別。」認真搞笑。呢張係唐詩詠同兩隻愛貓第一張合照。一轉頭又得番一隻…唐诗咏
唐詩詠孖兩隻愛貓合照難過登山 自爆黑面係特色
